Իրանական IRNA լրատվական գործակալության փոխանցմամբ՝ Իրանի ատոմային էներգիայի կազմակերպության ղեկավար Ֆերիդուն Աբբասին հայտարարել է, որ Իրանը մտադիր չէ իրականացնել 20 տոկոսից բարձր ուրանի հարստացում.
«Իրանը հաջողություններ է գրանցել միջուկային ոլորտում՝ չնայած արևմտյան երկրների սահմանած մի շարք միակողմանի պատժամիջոցներին, որոնք դրանով հույս ունեն կաթվածահար անել Իրանի տնտեսությունը: Այդ պատժամիջոցների պատճառով Իրանը հնարավորություն չի ունեցել համաշխարհային շուկայում գնել Թեհրանի հետազոտական ռեակտորի համար անհրաժեշտ՝ մինչև 20 տոկոս հարստացված ուրան:
Դրա հետ կապված՝ իրանցի գիտնականները կարողացել են փոփոխություններ մտցնել ուրանի հարստացման ցիկլում՝ Թեհրանի ռեակտորի համար անհրաժեշտ վառելիքի ստացման համար: Ընդհանուր առմամբ, Իրանը ուրանը հարստացնում է մինչև 3.5 տոկոս»: