Ճարտարապետները ներկայացրել են Boris Island ֆուտուրիստական օդանավակայանի կոնցեպտը, որը պետք է մասնակիորեն լուծի Լոնդոնում ավիատրանսպորտի խնդիրը:
Օդանավակայանը, որը անվանվել է Լոնդոնի քաղաքապետ Բորիս Ջոնսոնի պատվին, նախագծում ներկայացված է որպես այլմոլորակայինների նավ, սակայն կարող է կյանքի կոչվել արդեն մոտ ապագայում:
Համաձայն Gensler ընկերության նախագծի՝ օդանավակայանը պետք է ներառի 4 թռիչքուղի՝ տեղակայված ծովի մակերեսին և ամրացված անմիջականորեն ծովի հատակին: Այս մասին տեղեկացնում է The Daily Mail-ը:
Ենթադրվում է, որ նոր օդանավակայանը պետք է գտնվի լոնդոնյան «Հիթրոու» օդանավակայանի հարևանությամբ՝ ծովում, ու իրենից ներկայացնի յուրատեսակ կղզի՝ Boris Island:
Prian.ru-ի փոխանցմամբ` նախագծի ղեկավար Յան Մուլկախին հայտարարել է, որ օդակայանը կարող է կառուցվել հարմար վայրում ու չխանգարել թռչունների միգրացիոն ճանապարհին:
Չնայած նախագծի յուրահատկությանը` ղեկավարը վստահ է, որ կօգտագործվեն ստանդարտ տեխնոլոգիաներ:
The Telegraph-ի տեղեկություններով՝ նոր օդանավակայանի կառուցումը կարժենա 23 մլրդ ֆունտ-ստեռլինգ ու Մեծ Բրիտանիայի մայրաքաղաքում կհայտնվի արդեն 14 տարի անց:
