Անցած տարի զինամթերքի ծախսերը աշխարհում հասել են 1,7 տրիլիոն դոլարի: Այս մասին հայտնել է ՄԱԿ-ի գլխավոր քարտուղար Պան Գի Մունը:
«Աշխարհն օրվա ընթացքում գրեթե երկու անգամ ավելի շատ գումար է ծախսում սպառազինության վրա, քան ՄԱԿ-ը ծախսում է իր համաշխարհային առաքելությունների իրականացման համար»,- ընդգծում է Պան Գի Մունը:
«Սա հսկայական արժեք է այն մարդկանց համար, ովքեր սոված են պառկում քնելու, այն երեխաների համար, որոնք մահանում են մաքուր խմելու ջրի պակասի պատճառով»,- ասել է Պան Գի Մունը:
Նրա խոսքերով` այդ ծախսերը անբարոյական են:
«Աշխարհը ենթագիտակցորեն հասկանում է, որ հակամարտության ռազմական լուծում գոյություն չունի, որ համաշխարհային ռեսուրսները պետք է ծախսվեն այն բանի վրա, որպեսզի օգնեն մարդկանց ծաղկել, այլ ոչ թե զենքի վրա, որը բազմապատկում է տառապանքները»,- հայտարարել է Պան Գի Մուն:
