Ուկրաինական УНН-ի փոխանցմամբ՝ Ուկրաինայի նախագահ Վիկտոր Յանուկովիչը Կիևում «տետ-ա-տետ» հանդիպում է ունեցել Թուրքիայի վարչապետ Ռեջեփ Էրդողանի հետ: Հանդիպման արդյունքներով՝ կողմերը ստորագրել են մի շարք երկկողմանի փաստաթղթեր:
Մասնավորապես, Յանուկովիչն ու Էրդողանը ստորագրել են համատեղ հայտարարություն, որում խոսք է գնում Թուրք-ուկրաինական բարձր մակարդակի համագործակցության խորհրդի առաջին նիստի արդյունքներով ձեռք բերված պայմանավորվածությունների կատարման գնահատականի մասին:
Բացի այդ, երկու երկրների կառավարությունների ներկայացուցիչների միջև ստորագրվել են Ուկրաինայի ու Թուրքիայի նավահանգիստների միջև երկաթուղային բեռնափոխադրման վերաբերյալ կանոններ: Ստորագրվել է նաև փոքր ու միջին բիզնեսին առնչվող երկկողմ պայմանագիր:
