Այսօր` սեպտեմբերի 13-ին, ժամը 16:20-ի սահմաններում Սևան-Երևան ավտոճանապարհի 68-րդ կմ-ին իրար են բախվել պարսկական 2 ավտոբուսներ:
Ֆոտոլրագրող Գագիկ Շամշյանը shamshyan.com-ին հայտնել է, որ վթարի հետևանքով մեկ տասնյակից ավելի վիրավորներ տեղափոխվել են հիվանդանոցներ, որոնց տեղափոխում են Սևանի ոստիկանները, Ճանապարհային Ոստիկանության 2-րդ սպայական գումարտակի 4-րդ վաշտի 1-ին դասակի աշխատակիցները և ՀՀ Արտակարգ իրավիճակների նախարարության փրկարար ծառայության փրկարար ուժերի վարչության հատուկ ջրափրկարարական ջոկատի աշխատակիցները:
Դեպքի վայրում են գտնվում նաև Ոստիկանության Սևանի բաժնի օպերատիվ խումբը` Սևանի Ոստիկանության պետ Վիգեն Աղեկյանի գլխավորությամբ:
Տեղում է եղել նաև Ոստիկանության քննչական գլխավոր վարչության Գեղարքունիքի մարզի Սևանի քննչական բաժնի քննիչ Արամ Մարտիրոսյանը:
Սևանի շտապօգնության բրիգադը երրորդ անգամ է տեղափոխել վիրավորներին:
Գ. Շամշյանը հայտնել է, որ բոլոր վիրավորները Իրանի Իսլամական Հանրապետության քաղաքացիներ են:
Այս պահին Ոստիկանությունը փորձում է պարզել վիրավորների և վարորդների ինքնությունը:
