ՀՀ Վերահսկիչ պալատի կողմից իրականացված ստուգումների արդյունքում ՀՀ գյուղատնտեսության նախարարության «Անտառտնտեսություն» ՊՈԱԿ-ում մի շարք անարդյունավետ ծախսեր են հայտնաբերվել: Այս մասին այսօր ԱԺ-ում հայտարարեց ՀՀ Վերահսկիչ պալատի նախագահ Իշխան Զաքարյանը:
«Կան տարածքներ, որտեղ անտառտնկման աշխատանքներ են կատարվել, սակայն փաստացի ոչ մի տնկված ծառ չկա: Բայց հնարավոր չէ, որ տնկված բոլոր ծառերը չորանան կամ վնասատուների կողմից փչացվեն»,- ասաց նա:
Ըստ ՎՊ հաշվետվության՝ անտառտնկումների համար կատարված ծախսերի մոտ 40%-ն անարդյունավետ է եղել: Բացի այդ, ըստ ՎՊ հաշվետվության, անտառներից փաստացի մթերված փայտի ծավալները գերազանցում են անտառշինական պլաններով սահմանված ծավալները:
