Ինչպես հաղորդում է The Guardian-ը, Նոր Զելանդիայի կառավարությունն այսօր փոփոխություններ է կատարել աշխատանքային օրենսգրքում, որոնք անհրաժեշտ է «Հոբիթ» ֆիլմի նկարահանումները սկսելու համար: Չնայած վարչապետի բողոքներին՝ փոփոխություններն ընդունվեցին, իսկ վարչապետն այս ամենն անվանեց «ազգային ամոթի» օր:
Այս փոփոխություններն անհրաժեշտ են, որպեսզի Warner Brothers Pictures ընկերությունը ստանա արտոնություններ $1,5 մլրդ արժողություն ունեցող այս ֆիլմը նկարահանելու համար: Մինչ այդ նախատեսվում էր ֆիլմի նկարահանումը տեղափոխել այլ երկիր, ինչը մեծ վնաս կհասցներ տեղական կինոարտադրող ընկերություններին եւ դերասաններին:
Բացի այն, որ կատարվել են այս փոփոխությունները, պետությունը նաեւ $25 մլն-ի օգնություն է տրամադրել Warner Brothers Pictures-ին` արտոնությունների եւ ներդրումների տեսքով:
