Սմոլենսկում նախագահական ինքնաթիռի վթարի պատճառները հետաքննող խորհրդարանական խումբը, որը կազմված է Լեհաստանի ընդդիմադիր «Օրենք և արդարություն» կուսակցության ներկայացուցիչներից, հրապարակել է երկու տարվա վաղեմություն ունեցող իրադարձությունների իր սեփական տարբերակը, որի համաձայն վթարը տեղի է ունեցել պայթյունի հետևանքով:
«Սմոլենսկից 28 տարի անց» զեկույցը հրապարակվել է երկուշաբթի խորհրդարանական խմբի կայքում: Խմբի 169 էջանոց փաստաթղթում, որը ղեկավարում է Անտոն Մացերևիչը, հերքվում են պաշտոնական տեսակետները:
Ըստ զեկույցի հեղինակների` ավիավթարի պատճառը ոչ թե եղանակային վատ պայմաններն էին և օդաչուների սխալը, այլ սրահում տեղի ունեցած պայթյունը: Այդ մասին իբր թե վկայում են փորձի արդյունքները, որոնք անցկացվել են փորձագետների կողմից:
Զեկույցում նշվում է, որ ավիավթարը տեղի է ունեցել վարչապետ Դոնալդ Թուսկի և նախագահ Լեխ Կաչինսկու հակամարտության ֆոնին:
Զեկույցի հեղինակները մեղադրել են լեհական կառավարությանը գործի քննությունը ռուսական կողմին հանձնելու համար:
