TRT Haber-ի փոխանցմամբ՝ Թուրքիայի զինված ուժերի գլխավոր շտաբը տվյալներ է ներկայացրել վերջին 9 ամիսների ընթացքում Քրդստանի աշխատավորական կուսակցության (PKK) դեմ մղած պայքարում կրած կորուստների մասին.
«Վերջին 5 ամիսներին (փետրվար-օգոստոս) վնասազերծվել է 373 ահաբեկիչ, որոնցից 330-ը զոհվել են, 10-ը՝ վիրավորվել, իսկ 33-ը՝ ձերբակալվել: Վերջին 9 ամիսների ընթացքում զոհվել է 88 զինծառայող, որոնցից 54-ը՝ արհեստավարժ: Վերջին 6 ամսվա ընթացքում 4 նահանգում ընդդեմ PKK-ի անցկացվել է 974 օպերացիա, որոնք ամբողջովին իրականացնում են արհեստավարժ զինծառայողները:
Ապրիլի 1-ից մինչև սեպտեմբերի 1-ն ընկած ժամանակահատվածում անցկացված այդ օպերացիաներից 400-ը բաժին է ընկել Հաքքարիի նահանգին, 328-ը՝ Շըրնաքի նահանգին, 114-ը՝ Սիիրթի (Սղերթ) նահանգին և 132-ը՝ Թունջելիի նահանգին»:
