Հեռուստահաղորդավար Վլադիմիր Պոզները GZT.RU կայքին տված օնլայն հարցազրույցի ժամանակ ասել է, որ իր ծրագրում, որը եթեր է դուրս գալիս Առաջին ալիքով, գոյություն ունի առանձին «ստոպ-ցուցակ» (այն մարդկանց ցուցակը, որոնց չի կարելի կանչել եթեր), որը չի համընկնում ալիքի ընդհանուր «ստոպ-ցուցակի հետ»: Հեռուստահաղորդավարի խոսքերով, նրա ցուցակում յոթ անուն կա, որոնք նա հրաժարվեց հրապարակել:
Ցուցակը նա կազմել է Առաջին ալիքի գլխավոր տնօրեն Կոնստանին Էրնստի հետ:
Պոզներն ասել է, որ իր ցուցակի մեջ չեն մտնում Բորիս Նեմցովը, Էդուարդ Լիմոնովը, Գարի Կասպարովը և Վալերիա Նովոդվորսկայան:
Նեմցովին նա խոստացել է հրավիրել իր մարտյան թողարկմանը:
«Փետրվարին Բորիս Եֆիմիչին հրավիրել չհաջողվեց: Ես արդեն նախատեսած մարդիկ ունեի», – պարզաբանել է լրագրողը:
Պոզները նշել է, որ Նեմցովին որպես ընդդիմության ներկայացուցիչ կանչելու է այն պատճառով, որ ինքը Նեմցովին համարում է շատ հետաքրքիր և վառ ընդդիմադիր գործիչ, եթե չհաշվենք Լիմոնովին, որին ինքը հազիվ թե կանչի, քանի որ երդվել է ֆաշիստներին եթեր չտալ:
Փետրվարի սկզբին` վարչապետ Վլադիմիր Պուտինի Առաջին ալիքի աշխատակիցների հետ կայացած հանդիպման ժամանակ, Պոզները հասարակայնորեն (մասնավորապես Էրնստի ներկայությամբ) հարցրել է նրան, թե ինչպես է կառավարության ղեկավարը վերաբերվում ֆեդերալ հեռուսատաընկերությունների եթերում ընդդիմադիրների հայտնվելուն: Պուտինն ասել է դրական:
Արդյունքում Պոզները հայտարարել է, որ այդ ամենը նա համարում է թույլտվության սանկցիա «արտախորհրդարանային ընդդիմության ներկայացուցիչներին» իր եթեր հրավիրելու համար:
«Ցանկալի է զերծ մնալ այսպիսի սանկցիաներից, սակայն, ցավոք սրտի, ներկայիս Ռուսաստանում առանց դրանց` թեկուզ բանավոր, գրավոր, կամ էլ այլ ձևերով, հնարավոր չէ», – նշել է Պոզները:
Պոզները առաջինն է շռուսական հեռուստահաղորդավարներից, ով հայտարարել է «ստոպ-ցուցակների» գոյության մասին: Մինչև այժմ նրանց մասին միայն շշուկներ կային: