Pananews լրատվական կայքի փոխանցմամբ՝ եթե Տաջիկստանն իր գետերի ջրով ապահովի Իրանին, ապա Իրանն էլ իր հերթին այդ երկրին կապահովի էլեկտրաէներգիայով: Այս մասին հայտարարել է Իրանի էներգետիկայի փոխնախարար Ալիռզա Դաիմին:
Վերջինիս խոսքերով՝ Իրանը ներդրումներ է անում Տաջիկստանի «Սանտգուդին» և «Եյնի» հիդրոէլեկտրակայաններում՝ դրանով իսկ այդ երկրին ապահովելով էլեկտրաէներգիայով. «Այդ հիդրոէլեկտրակայանների կատարելագործումը Իրանի, Աֆղանստանի ու Տաջիկստանի միջև կստեղծի ջրային ու էներգետիկ միջանցք:
Իսկ եթե այդ միջանցքին միանա նաև Թուրքմենստանը, ապա դա կհանգեցնի տարածաշրջանի երկրների միջև լայն համագործակցության: Թուրքմենստանը նույնպես օժտված է Իրանին ջրով ապահովելու մեծ պոտենցիալով: Թուրքմենստանն ունի նաև հիդրոէլեկտրակայանների կառուցման մեծ պոտենցիալ, և Իրանը պատրաստ է ներդրումներ անել այդ ոլորտում»:
