ԱՄՆ-ում Վրաստանի նոր դեսպան Թեմուր Յակոբաշվիլին նախագահ Օբամային է հանձնել հավատարմագիրը, տեղեկացնում է Ռուստավի հեռուստաընկերությունը:
Հանդիպման ընթացքում Օբաման ասել է, որ Վրաստանը շատ արժեքավոր գործընկեր է Աֆղանստանում խաղաղարար առաքելության շրջանակներում:
«Ակնկալում եմ առանց այդ էլ սերտ հարաբերությունների խորացում: Մեր հարաբերությունները հիմնված են նույն արժեքների վրա»,- ասել է Օբաման:
Յակոբաշվիլին իր հերթին հայտնել է, որ Թբիլիսիի առաջնահերթություն է ռազմավարական գործընկերության խարտիայի դրույթների իրականացումը, որտեղ արծարծված են երկկողմ հարաբերությունների գրեթե բոլոր բնագավառները:
