Այսօր Forbes ամսագիրը հրապարակել է Հոլիվուդի ամենաեկամտաբեր դերասանուհիների ցուցակը: Այն գլխավորում է Էնն Հեթաուեյը, ում կինոյում նկարահանվելու համար վճարված աշխատավարձի յուրաքանչյուր մեկ դոլարի դիմաց ընկերություններն ստանում են 64 դոլար շահույթ: Անցած տարի նրան ներկայացրել էին «Օսկար» եւ «Ոսկե գլոբուս» կինոմրցանակների` «Ռեյչլն ամուսնանում է» ֆիլմի գլխավոր դերի համար: Առաջին տեղը նրան ապահովել է Սպիտակ թագուհու դերը «Ալիսան հրաշքների աշխարհում» ֆիլմում, որը միջազգային ցուցադրություններից արդեն հավաքել է $1 մլրդ:
Այս ցուցակում երկրորդը Քեյթ Բլանշեթն է: Նրա համար ծախսված ամեն մեկ դոլարի համար կինոստուդիաներն ստանում են 27 դոլար: «Ռոբին Հուդը» 3D ֆորմատով հանված ֆիլմը նրա մասնակցությամբ արդեն ունեցել է $310 մլն եկամուտ:
Այս ցուցակում երրորդ տեղը զբաղեցնում են Ջենիֆեր էնիսթոնն ու Մերիլ Սթրիփը: Նրանց համար ծախսված ամեն մեկ դոլարի համար կինոստուդիաներն ստանում են 21 դոլար օգուտ: Այս ցուցակում են նաեւ Սառա Ջեսիկա Պարկերը, Անջելինա Ջոլին, Քեյթ Հադսոնը, Քեմերոն Դիասը եւ Նիքոլ Քիդմանը: