«Հերթական սոցհարցումների տվյալներով՝ 10 զուգընկերն իդեալական թիվ է»,- տեղեկացնում է Daily Mail-ը:
Հետազոտողները պարզել են, որ կանայք ու տղամարդիկ նոր զուգընկերներ ընտրելիս նախապատվությունը տալիս են նրանց, ովքեր մինչ իրենց հանդիպելը 10 սիրեկան են ունեցել: Նրանց, ովքեր ավելի քան 10 զուգընկեր են ունեցել, համարում են լկտի, իսկ ովքեր 10-ից քիչ սիրեկաններ են ունեցել` ոչ փորձառու: Նման կերպ է պատասխանել կանանց 50 և տղամարդկանց 46 տոկոսը:
Հարցումները 1000 տղամարդկանց և կանանց շրջանում անցկացրել է ծանոթությունների www.SeekingArrangement.com կայքը:
26-ամյա Նիկի Հովարդը, որը Նոթինգեմում երեկույթների կազմակերպման ընկերության սեփականատերն է, նշել է, որ իր համար 10-ը իդեալական թիվ է: «Ցանկալի է հանդիպել այնպիսի տղամարդու հետ, որն ինքնավստահ է և գիտի ինչպես իրեն պահել անկողնում: Լավ սիրեկան լինելու համար փորձառություն է պետք. դա օգնում է կնոջ ցանկությունները հասկանալուն»:
