ԱՄՆ պետքարտուղար Հիլարի Քլինթոնը այցով Արևելյան Թիմորում է: Երկրի ղեկավարության հետ հանդիպման ընթացքում Քլինթոնը աջակցություն է հայտնել կառավարության ջանքերին` երեկ Արևելյան Թիմորից խաղաղապահ զորակազմի վերջնական դուրսբերման առնչությամբ: Այս մասին հայտնում է «Ազատություն» ռադիոկայանի ռուսական ծառայությունը:
1999 թվականին Արևելյան Թիմորում ՄԱԿ-ի ճնշման ներքո ինքնորոշման հարցի վերաբերյալ հանրաքվե անցկացվեց: Քվեարկությունն անհրաժեշտ էր, որպեսզի վերջ դրվեր արյունահեղությանը, որը սկսվել էր Ինդոնեզիայի կողմից նախկին պորտուգալական գաղութի օկուպացումից հետո: Օկուպացիոն իշխանությունների հետ 24 տարի տևած դիմակայությանը զոհ գնաց ավելի քան 170 հազար մարդ: Ներկայումս Արևելյան Թիմորը համարվում է աշխարհի ամենաաղքատ երկրներից մեկը:
Քլինթոնը շարունակում է շրջագայությունը ասիա-խաղաղօվկիանոսյան տարածաշրջանի 6 երկրներով: Նա արդեն եղել է Կուկի կղզիներում և Չինաստանում: Նրա այցի հաջորդ կանգառը Բրունեյն է: Այնտեղից պետքարտուղարը կուղևորվի Վլադիվոստոկ` մասնակցելու Ասիա-խաղաղօվկիանոսյան երկրների գագաթնաժողովին:
