Աստղային զույգ (արդեն նախկին զույգ) Թոմ Քրուզի և Քեթի Հոլմսի ամուսնալուծության գործընթացը ավարատվել է: Արդյունքում Քեթին չի ստացել և ոչ մի ցենտ:
Նախ տեղեկացնենք, որ նրանց ամուսնալուծության գործընթացը շատ արագ ավարտվեց, ընդամենը 2 ամիս առաջ էր դերասանուհին դիմել դատարան, ապահարզանի համար, և դատարանն արդեն որոշում է կայացրել: Նախկին ամուսինները խոսք են տվել պահպանել ընկերական հարաբերությունները, համենայն դեպս գոնե հանուն իրենց դստեր` 6-ամյա Սուրիի: Սակայն լրատվամիջոցներին այս պահին հետաքրրքում է ոչ թե աստղային զույգի հետագա հարաբերությունները, այլ այն հանգամանքը, որ 250 մլն դոլար կարողություն ունեցող և Հոլիվուդի ամենահարուստ աստղերից մեկը համարվող Թոմ Քրուզը ոչ մի ցենտ չի տվել իր նախկին կնոջը: Դեռ ավելին՝ երեխայի համար վճարվող գումարը կազմում է ընդամենը 33 000 դոլար, ինչը նշանակում է, որ չափահաս դառնալուց հետ նա «կկուտակի» ընդամենը 5 միլիոն դոլար: Սա նույնիսկ ծիծաղելի է Քրուզի կարողության դիմաց:
Իսկ ինչ վերաբերում է Հոլմսին, ապա նա ստիպված է անձնական վարորդով ավտոմեքենան փոխարինել հասարակական տրանսպորտով, սեփական ինքնաթիռը հասարակականով և այլն: Սակայն ենթադրելով, որ Հոլմսը չի դիմել դատարան նույնիսկ իր դստեր համար Քրուզի պարտադիր վճարումները բարձրացնելու հայցով, կարելի է ենթադրել, որ նա գոհ է դատարանի որոշումից:
Նրանց դուստրը շարունակելու է ապրել մոր հետ, սակայն հայրը ցանկացած պահի կարող է այցելել դստերը: Երեխայի դպրոց գնալու հարցում ևս նրանք պարտավոր են հաշվի առնել մեկը մյուսի կարծիքը: