Սթիվ Ջոբսը, ով քաղցկեղից մահացել էր 2011 թվականի հոկտեմբերին 56 տարեկան հասակում, ըստ Բուդդիստների, չի մահացել: Եվ բանն այն չէ, որ նա երկար կապրի Apple-ի արտադրանքի երկրպագուների սրտերում:
Ինչպես վստահեցնում են թաիլանդական բուդդիստները, Սթիվ Ջոբսի հոգին վերամարմնավորվել է, և այժմ Apple-ի հիմնադիրը վերածվել է մարտիկ-փիլիսոփայի:
Հիշեցնենք, որ Ջոբսը բուդդիստական հայացքներ ուներ: Այդ կրոնը գործարարն ընդունել էր 1970-ական թվականներին իր`Հնդկաստան կատարած այցի ժամանակ:
Այդ իսկ պատճառով հենց բուդդիստներին է վերջերս էլեկտրոնային փոստով դիմել Apple-ի ինժեներ Տոնի Ցյանը այն հարցով, թե որտեղ է այժմ գտնվում իր նախկին ղեկավարի`Սթիվ Ջոբսի հոգին:
Բուդդիստական տաճարի քահանան հայտարարել է, որ այժմ Սթիվ Ջոբսը դեռ գտնվում է Կուպերտինոյում: Սակայն նա վերածվել է զինվոր-փիլիսոփայի և ժամանակի մեծ մասն անցկացնում է իր հին գրասենյակի վերևում գտնվող բյուրեղապակյա, վեցհարկանի, խորհրդավոր դղյակում, հաղորդում է The Wall Street Journal-ը:
