Գերմանական լրատվամիջոցների փոխանցմամբ՝ Գերմանիայի ազգային հավաքականի ու Մյունխենի «Բավարիա»-ի նախկին դարպասապահ Օլիվեր Կանը կարծում է, որ Խավի Մարտինեսի տրանսֆերի դիմաց վճարված 40 միլիոն եվրոն արդարացված է:
«Մրցաշրջանից առաջ գերմանական թիմերը ֆուտբոլիստների տրանսֆերները ձեռք բերելու համար ծախսել են շուրջ 240 միլիոն եվրո: Ինչ վերաբերում է այն գումարին, որ «Բավարիա»-ն է վճարել Մարտինեսի տրանսֆերի դիմաց, այս պարագայում նորմալ է:
Այնուամենայնիվ, շատերը կարծում են, որ այս գումարը բարոյաէթիկական տեսանկյունից անընդունելի է ու ոչ հարիր: Բայց, ըստ ամենայնի, ինչո՞ւ այդքան գումար. ասեմ, որովհետև մարդիկ շատ մեծ տեղ են հատկացնում ֆուտբոլին: Երբ մեծ գումարով գնում են որևէ խաղացողի տրանսֆեր, ապա գիտեն, որ մի քանի տարի անց 30-40 տոկոս եկամուտ են ունենալու տվյալ խաղացողի շնորհիվ, օրինակ՝ գովազդներից, այլ միջոցառումներից:
Չենք մոռանում Ռոման Աբրամովիչին` «Սիթի»-ի տիրոջը. նրանք այդպես են անում: Ահա հենց այս պատճառով էլ ֆուտբոլիստների տրանսֆերներն այդքան բարձր գին ունեն»,- ասել է Կանը:
