Բրյուս Ուիլիսը քննարկում է Apple-ին դատի տալու հարցը` երաժշտական թրեքների իրավունքի պատճառով: Ուիլիսին չի բավարարում այն փաստը, որ իր մահվանից հետո դուստրերը չեն կարող ժառանգել այն երաժշտության իրավունքը, որը տարիների ընթացքում դերասանը գնել է iTunes խանութից: Իրավունքների արգելքի մասին նշված է Apple-ի հետ կնքած պայմանագրում:
iTunes խանութից արված գնումների վրա Ուիլիսը ծախսել է «հազարավոր դոլարներ»: Դերասանի հավաքածուի մեջ մտնում են «The Beatles»-ի և «Led Zeppelin»-ի երգերը:
Դերասանը չի բացառում, որ արգելքը հնարավոր կլինի շրջանցել առանց դատարան մտնելու: Ուիլիսը իր փաստաբանի հետ քննարկում է վստահության վրա հիմնված ընտանեկան հիմնադրամ ստեղծելու գաղափարը, որին էլ կպատկանի iTunes-ից գնված եգերի իրավունքները:
Իրականում Ուիլիսը կարող է այդ երգերը ձայնագրել կոշտ սկավառակի վրա և պահապանել` հանձնելով իր դուստրերին, սակայն դա կհամարվի Apple-ի հետ կնքնած պայմանագրի խախտում:
