Կենդանիների իրավունքների պաշտպանությամբ զբաղվող ամերիկյան կազմակերպության՝ PETA-ի վերջին թիրախն է դարձել Լեդի Գագան: Այս մասին հաղորդում է The Daily Mail-ն ու հավելում, որ պատճառը փետրավոր գլխարկն է, որով «մայր հրեշը» դուրս է եկել Կոպենհագենի Skt. Petri հյուրանոցից:
Փառահեղ տեսքով Գագային երկրպագուները դիմավորել են աղաղակներով, սակայն նրանցից ոչ մեկի արձակած ճիչն այնքան բարձր չի եղել, որքան նրա գլխարկի փետուրները, որոնց երկարությունը հասնում էր 2 ոտնաչափի: Նրա հագին եղել է կենդանու մաշկ պատկերող կտորից կարված կարճ զգեստ:
Հիշեցնենք, որ անցած շաբաթ Գագան PETA-ի հասցեին ասել էր, որ ինքը չի աջակցում մանկական արշավներին:
Իսկ երեկ Լեդի Գագան ցուցադրել է իր նոր դաջվածքը՝ սև խարիսխը՝ կրծքավանդակի ձախ հատվածում: Իր նոր դաջվածքով լուսանկարը նա տեղադրել է Twitter միկրոբլոգների իր էջում, որտեղ 29 միլիոն հետևորդ ունի:
Սեպտեմբերի 4-5-ը նա իր փոքրիկ «հրեշիկների» համար համերգ կտա Քյոլնում:
