Իրանն օգնություն կցուցաբերի Սիրիային, եթե ԱՄՆ-ը որոշի Բաշար Ասադի դիրքերին հարվածել: Այս մասին, ինչպես տեղեկացնում է Reuters գործակալությունը, հայտնել է Իսլամական հեղափոխության պահակային կորպուսի, մշակույթի և քարոզչության հարցերով հանձնաժողովի ղեկավար Մուհամեդ Ալի Ասուդին:
Ասուդիի խոսքով` եթե Վաշինգտոնը «հիմար» որոշում ընդունի Սիրիայում ռազմական օպերացիա սկսելու վերաբերյալ, Իրանն ու Դամասկոսի մյուս դաշնակիցները ստիպված կլինեն ձեռնարկել «պատասխան միջոցառումներ», որոնք կհանգեցնեն «ԱՄՆ-ի տապալման»: Ասուդին չի հստակեցրել, թե կոնկրետ ինչ միջոցառումների մասին է խոսքը, սակայն նշել է, որ դրանք կընդունվեն` երկկողմ ռազմական համաձայնագրին համապատասխան:
Գործակալությունը նշում է, որ անհրաժեշտության դեպքում արտաքին թշնամիներից փոխօգնության վերաբերյալ համաձայնագիրը Իրանն ու Սիրիան ստորագրել են 2006 թվականին: