Իսպանական մամուլի հաղորդմամբ՝ Կառլես Պույոլը՝ կատալոնական «Բարսելոնա»-ի և Իսպանիայի ազգային հավաքականի կենտրոնական պաշտպանը, շնորհավորել է Անդրես Ինյեստային Եվրոպայի լավագույն ֆուտբոլիստի կոչումը նվաճելու կապակցությամբ:
«Ինյեստան արժանի էր այդ կոչմանը, չնայած Մեսսին ու Ռոնալդուն էլ են լավ ֆուտբոլիստներ: Միայն մեկ փաստ կարող եմ արձանագրել այդ արարողությունից. անհնարին ոչինչ չկա: Շատ ուրախ եմ Ինյեստայի համար: Նա, ով լավ է կատարում իր աշխատանքը, գնահատվում է մարդկանց կողմից: Ինյեստայի դեպքում հենց այդպես էլ եղավ»,- ասել է Պույոլը:
