Գերմանիայի «Ձախերի» կուսակցության անդամ, բունդեստագի կոմիտեի արտաքին քաղաքականության անդամ Զևին Դագդելենը հայտարարել է WikiLeaks-ի հիմնադիր Ջուլիան Ասանժի հետ հանդիպելու մտադրության մասին: Այս մասին հայտնել է Agence France-Pressse-ը: Նա պատրաստվում է Ասանժի հետ հանդիպել սեպտեմբերի 2-ին:
Զևիմ Դագդելանը հայտարարել է, որ ցանկանում է օգնել Ասանժին՝ ելք գտնելու ստեղծված իրավիճակից: WikiLeaks-ի հիմնադիր Ջուլիան Ասանժը չի կարող լքել Էկվադորի դեսպանատունը, որը պատրաստ է քաղաքական ապաստան տրամադրել նրան, քանի որ այս դեպքում նրան կձերբակալեն բրիտանացիները և դատարանի որոշմամբ կարտաքսեն Շվեդիա:
Պատգամավորի խոսքերով` WikiLeaks-ի հիմնադիրն արժանի է Նոբելյան մրցանակի, քանի որ հասարակ մարդկանց համար բացահայտել է գաղտնք հանդիսացող տեղեկատվություն: Ասանժի հետապնդումը նա համարում է քաղաքական: Դագդելանը չի բացառել, որ Շվեդիան Ասանժին կարող է հանձնել ԱՄՆ-ին, որտեղ պատգամավորի կարծիքով` նրան սպասվում են կտտանքներ, անարդար ցմահ բանտարկություն կամ նույնիսկ մահապատիժ: