Facebook սոցիալական ցանցի օգտատերերը մերկացել են՝ ի պաշտպանություն արքայազն Հարրիի: Շուրջ 12 հազար ֆեյսբուքցիներ միացել են Support Prince Harry with a naked salute խմբին: Նրանց թվում են նաև Աֆղանստանում ծառայող զինվորականներ: Այս մասին հայտնում է The Daily Mail-ը:
Մերկ լուսանկարները որքան էլ ցնցող են, սակայն չեն հասնի անցած շաբաթ համացանցում հայտնված Հարրիի լուսանկարներին:
Հիշեցնենք, որ անծանոթուհիների հետ Վեգասի հյուրանոցներից մեկում Հարրիի և նրա երկու ընկերների զվարճանքը վերածվել էր սկանդալի: Պատճառն այն է, որ համար մտնելուց առաջ թիկնազորը աղջիկներից չի պահանջել հանձնել հեռախոսները:
Հիշեցնենք նաև, որ Հարրիի «անմեղ» զվարճանքից հետո Սաֆֆոլկ կոմսության ավիաբազայի ներկայացուցիչները հայտնել էին, որ բրիտանական ավիացիան մտադիր է պատժել 27-ամյա արքայազնին՝ նրա կոչումը կապիտանից իջեցնելով լեյտենանտի:
