Շվեյցարացի թենիսիստ Ռոջեր Ֆեդերերը մեկնաբանել է Ջոն Մաքինրոյի խոսքերն այն մասին, որ ներկայիս համաշխարհային թենիսիստները կարող են համարվել թենիսի պատմության մեջ լավագույնը:
«Չեմ կարծում, թե ներկայիս թենիսիստները, որոնք վարկանիշային աղյուսակում զբաղեցնում են առաջին քառյակը, բոլոր ժամանակների լավագույն թենիսիստներն են: Տասնհինգ տարի առաջ Սամբրասը, Էդբերգը, Բեկերն ու Աղասին էին. նրանք նույնպես լավն էին, այդպես չէ՞: 20 տարի առաջ էլ գերակա էին Կոնորսն ու Լենդլը: Նրանք նույնպես լավ էին խաղում: Ամեն դեպքում՝ չգիտեմ, բայց, իհարկե, Մաքինրոյի կարծիքն էլ է արժանի հարգանքի:
Թենիսում հիմա ուրիշ ժամանակներ են: Այդ սպորտը հիմա ավելի մեծ պատրաստություն է պահանջում: Գուցե մենք հիմա ծախսում ենք ավելի քիչ ժամանակ, քան նախորդ սերունդների թենիսիստները:
Դժվար է համեմատել, բայց կարծում եմ, որ կա նման բան. թենիսը հիմա «Ոսկե դարաշրջան»-ի նման բան է ապրում: Լավ է, որ Էնդին հաղթեց Օլիմպիական խաղերում, իսկ Նովակը ցուցադրում է հրաշալի խաղ: Ռաֆան նույնպես միանում է այս շարքին: Պայքարն առաջատար դիրքերն զբաղեցնելու համար շատ հետաքրքիր է: Բայց այն, որ սա լավագույն թենիսն է պատմության մեջ, բարդ հարց է»,- ասել է Ֆեդերերը:
