Սիրիայում շաբաթներ առաջ առևանգված իրանցի ուխտավորները ողջ և առողջ են: Այս մասին հայտնել է Իրանի խորհրդարանի ազգային անվտանգության և արտաքին քաղաքականության հարցերով հանձնաժողովի ղեկավար Ալադին Բորուջերին:
IRNA գործակալության փոխանցմամբ` Բորուջերին այդ մասին հաղորդել է կիրակի, Դամասկոսում մամլո ասուլիսի ժամանակ` սիրիացի պաշտոնատար անձանց հետ հանդիպումից հետո:
«Սիրիայի նախագահ Բաշար Ասադի հայտարարությունը՝ իրանցիների ազատ արձակումը ապահովելու համար ձեռնարկվում են միջոցառումներ, լավ նորություն է»,-հավելել է պատգամավորը:
Սիրիա կատարած երկօրյա այցի ընթացքում Բորուջերիին ուղեկցում են մի քանի պատգամավորներ: