Ազգային վիճակագրական ծառայությունն ամփոփել է առայժմ միայն հունվար-մայիսին ծնված երեխաների տվյալները: Ըստ այդմ` տարվա առաջին 5 ամիսների ընթացքում ՀՀ-ում ծնվել են 15 հզ. 843 մանկիկներ, որոնցից 7,364-ը՝ աղջիկներ, 8,479-ը` տղաներ:
Աղջիկների շրջանում ամենատարածված անունը Նարեն է (354), իսկ տղաների շրջանում՝ Դավիթը (470): Այնուհետև, ըստ տարածվածության, երկրորդ տեղում են Միլենան (328) և Նարեկը (438), երրորդում` Մարի (300) և Գոռ (326), չորրորդում` Մանե (286) և Հայկ (261), հինգերորդում՝ Անի (239) և Ալեքս (221), վեցերորդում՝ Էլեն (237) և Էրիկ (219), յոթերորդում՝ Անահիտ (220) և Արման (200), ութերորդում՝ Մարիամ (160) և Սամվել (190), իններորդում՝ Աննա (157) և Տիգրան (181), տասներորդում՝ Մերի (153) և Արամ (163):
