2012 թ. հուլիսի 31-ի դրությամբ ԱՊՊԱ պայմանագիր ունեցող ավտոտրանսպորտային միջոցների քանակը կազմել է 348 հզ. 610: Նախորդ ամսվա վերջին օրվա համեմատ այս ցուցանիշը աճել է 2,513-ով: Տարվա առաջին կիսամյակում վարորդների կողմից վճարվել է մոտ 10 մլն 969 հզ. դրամ:
Հայաստանի ավտոապահովագրողների բյուրոյի հրապարակած տվյալներով՝ հուլիս ամսվա ընթացքում աճել է հատուցման համար ներկայացված դիմումների քանակը` 3,769 հատ (հունվար-հունիս ամիսների ընթացքում` ամսական միջինում 3,461 դիմում): Ամսվա ընթացքում բավարարված դիմումների գծով վճարված (վճարվելիք) հատուցումների ընդհանուր գումարը կազմում է 690 մլն դրամ, իսկ միջին հատուցման գումարը կազմում է մոտ 216 հզ. դրամ:
Հուլիս ամսվա ընթացքում ապահովագրական հատուցումների նպատակով կատարված ուղղակի ծախսերը կազմել են 12.068 մլն դրամ, ինչը հունվար-հունիս ամիսների միջին ցուցանիշից փոքր է 3.536 մլն դրամով (15.603 մլն): Հատուցումների կարգավորման ծախսերի նվազման և պահուստային մի քանի ցուցանիշների փոփոխությունների հետևանքով փոքր-ինչ նվազել է համակարգի վնասաբերության ցուցանիշը` կազմելով 66%:
