Pebble Beach-ում անցկացվող նրբագեղ ավտոմեքենաների ցուցադրության ժամանակ, բնականաբար, չէր կարող առանձնահատուկ փայլով չառանձնանալ Buggati-ն: Ֆրանսիական կոնցեռնը ներկայացրել էր Veyron 16.4 Grand Sport-ի հատուկ տարբերակը` Vitesse անվանմամբ: Այս մոդելի ստեղծման նախատիպ է ծառայել 1928թ. թողարկված Bugatti type 37A մոդելը, որը ժամանակին հաղթել է բազմաթիվ մրցարշավներում:
Նմանատիպ մրցույթների ժամանակ ընկերությունը միշտ փորձում է բոլորին զարմացնել թափքի դիզայնով: Այս տարի հատուկ տարբերակը առանձնանում է թափքի տանիքային հատվածի սպիտակ գույնով, այն դեպքում, երբ աերոդինամիկ դետալները և անվասկավառակները New Light Blue գույնով են: Սրահը ձևավորված է կոնյակի երանգով, իսկ դարձակարերը և որոշ փոքրիկ գրություններ` New Light Blue գույնով:
Շարժիչը, ինչպես բոլոր Grant Sport-ների համար, նույնն է` W16` 1200 ձիաուժ հզորությամբ և 1500 նյուտո-մետր պտույտով: Առավելագույն արագությունը 410 կմ/ժ է, իսկ 0-100 արագացումը` իրականացվում է 2,6 վայրկյանում:
Նրբագեղ ավտոմեքենաների իսկական գնահատողների համար այս մոդելը կարժենա 2,150,000 դոլար:
