Երեք ամիս առաջ իշխանության եկած Ֆրանսիայի նախագահ Ֆրանուա Օլանդը կորցրել է հայրենակիցների վստահությունը: Ինչպես վկայում են CSA հեղինակավոր ինստիտուտի անցկացրած սոցհարցման տվյալները՝ Ելիսեյան պալատի նոր ղեկավարի վարկանիշն ընկել է «հոգեբանական»՝ 50 տոկոսից (49 տոկոս): Բացի այդ՝ ֆրանսիացիների 72 տոկոսը համարում է, որ կառավարությունը չի ձեռնարկում բավարար ակտիվ քայլեր՝ հակազդելու տնտեսական ճգնաժամին և գործազրկությանը:
«Սա առաջին ահազանգն էր Ֆրանսուա Օլանդին այն մասին, որ բնակչությունը իրենից ակնկալում է վճռական բարեփոխումներ»,- նշել է CSA-ի ղեկավար Բեռնար Սանանեն,-«Արձակուրդային շրջանի ավարտից հետո Օլանդը պետք է ջանք չխնայի՝ վերականգնլու շարքային ֆրանսիացիների վստահությունը»:
«Դժվարին տնտեսական և սոցիալական իրավիճակում ակնկալիքներն ավելի շատ են, քան ստացվող արդյունքը»,- հարցը փիլիսոփայորեն մեկնաբանել է իշխող սոցիալիստական կուսակցության հասարակայնության հարցերով առաջատար մասնագետ Ֆրանսուա Կալֆոնը:
Նշենք, որ Նիկոլա Սարկոզիի վարկանիշը նախագահության առաջին տարին բարձր է եղել 50 տոկոսից: