Նոր Զելանդիայում, որտեղ հաճախ են տեղի ունենում երկրաշարժեր, գրանցվել է հզոր ցնցում, որի ուժգնությունն էպիկենտրոնում կազմել է 6.3 մագնիտուդ: Երկրաշարժը գրանցվել է Քրայսթերչ քաղաքի մոտ: Ցնցումն ուժեղ է եղել այն պատճառով, որ գտնվել է հողի մակերեսին շատ մոտ` 5 կմ խորության վրա: Այս մասին հաղորդում է Associated Press գործակալությունը: Ըստ գործակալության` քաղաքում շատ շենքեր քանդվել կամ վնասվել են: Այս պահին հայտնի է 65 զոհի մասին, սակայն այդ թիվը կաճի, քանի որ ավերածությունները շատ են: Այս մասին հաղորդում է նորզելանդական Stuff գործակալությունը: Ավելի ուշ տեղի են ունեցել երկու այլ ուժեղ երկրաշարժեր` 5.6 և 5.5 մագնիտուդ ուժգնությամբ:
