2011թ. հոկտեմբերի 10-ին լրանում է նորվեգացի գիտնական և դիվանագետ Ֆիրտյուֆ Նանսենի 150-ամյակը, ինչի կապակցությամբ Հայաստանում կազմակերպվելու են միջազգային և ուսանողական գիտաժողովներ: Նախատեսվում է հրատարակել Նանսենի մասին պատմող 30-հատորանի շարք: Երևանում և Գյումրիում տեղադրվելու են Նանսենի կիսանդրիները: Երևանում կառուցելու է Նանսենի թանգարան:
Այս մասին Թեհրանի Հայ Դատի հանձնախումբի կազմակերպած «Հայ Դատն այսօր» 8-րդ խորհրդաժողովի ժամանակ հայտնել է ՀՀ դեսպան Գրիգոր Առաքելյանը:
Խորհրդաժողովին զեկույցներով հանդես են եկել քարտեզագրագետ Ռուբեն Գալչյանը, բանասիրական գիտությունների թեկնածու, թուրքագետ Ռուբեն Մելքոնյանը, «Սիվիլիթաս» հիմնադրամի փորձագետ լրագրող-մեկնաբան Թաթուլ Հակոբյանը:
Խորհրդաժողովի երկրորդ օրվա նիստին, որը կայացել է փետրվարի 18-ին, Իրանում ՀՀ դեսպան Գրիգոր Առաքելյանը ներկայացրել է զեկույց` իրանցի մասնակիցներին ծանոթացնելով հայ ժողովրդի մեծ բարեկամ Ֆ. Նանսենի կյանքին ու քաղաքական գործունեությանը:
