Թուրքիայի արտաքին գործերի նախարար Ահմեդ Դավութօղլում, պաշտոնական այցով գտնվելով Թունիսում, հայտարարել է, որ այդ երկրում տեղի ունեցած հեղափոխությունը կարող է օրինակ լինել մյուսների համար: «Թունիսն ունի ուժեղ միջին դաս և կրթական բարձր մակարդակ: Եթե այս տրանսֆորմացիան հաջողությամբ պսակվեց, ապա Թունիսի մոդելը կարող է օրինակ հանդիսանալ մյուս երկրների համար»,- ասել է Թուրքիայի արտաքին գործերի նախարարը:
Նա նաև խոսել է սահմանադրական բարեփոխումների մասին` ասելով, որ անհրաժեշտ է դրանց իրականացումը, որպեսզի ապահովվի օրենքի գերակայությունն առաջիկա ընտրությունների ժամանակ, որոնք նախատեսված են առաջիկա հուլիս-օգոստոս ամիսներին:
«Մենք բազմակուսակցական համակարգին անցում կատարել ենք 1946թ.-ին, իսկ առաջին ընտրությունները կայացել են 1950թ.-ին: Թունիսում վտանգ կա, քանի որ ամեն ինչ շատ արագ է զարգանում»,- ասել է Դավութօղլուն: Այս մասին ահղրոդում է TRT1 հեռուստաալիքը:
