«Ես չեմ ուզում անձնավորել: Կա պետություն, պետականություն: Երկու նախագահներն էլ իրենց փառահեղ տարեգրությունը ունեն, նույնիսկ աոաջին նախագահը ունի իր փառահեղ տարեգրությունը, և մենք իրավունք չունենք ասել` մեկը արեց, մյուսը` ոչ»,- «Առավոտ»-ի հարցին` ինչպե՞ս է հաջողել քաղաքապետի պաշտոնում մնալ և’ երկրորդ, և’ երրորդ նախագահների օրոք, ասել է Քաջարանի գործող քաղաքապետ, քաղաքապետի թեկնածու Վարդան Գևորգյանը:
«Առավոտ»-ի փոխանցմամբ` նա կարծում է, որ ՀՀ երեք նախագահների օրոք մեր պետությունն այնքան է կայացել, որ ինքը կարողանում է ոչ թե ժողովրդին խաբել, այլ ստանալ նրա վստահությունը. «Ես ոչ հարուստ եմ, ոչ օլիգարխ, բայց այս պաշտոնում կամ, և դա մեր պետության կայացման մասին է խոսում»: