Վլադիմիր Պուտինն ու Դմիտրի Մեդվեդեւն առաջին անգամ իրենց վարկանիշներով գրեթե հավասարվել են: Ведомости-ի փոխանցմամբ, դա, հնարավոր է, կապված է Յուրի Լուժկովի հեռացման վերաբերյալ Մեդվեդեւի կայացրած որոշման հետ: «Լեւադա-կենտրոնի» անցկացրած հարցման արդյունքում, որին մասնակցել է 1600 մարդ, նախագահ Մեդվեդեւի գործողություններին հավանություն է տալիս հարցվածների 76%-ը, իսկ վարչապետին՝ 77%-ը: Չեն աջակցում համապատասխանաբար 22 եւ 20% : Եթե հաշվի առնենք, որ որ հարցման վիճակագրական անճշտությունները կազմում են 3,5%, ապա վստահ կարելի է ասել, որ նրանք ունեն նույն տոկոսները:
Նույն անճշտության սահմաններում է գտնվում նաեւ այլ հարցի պատասխան. «եթե նախագահական ընտրությունները կայանային առաջիկա կիրակի, ում կտայիք ձեր նախապատվությունը» հարցին մարդիկ պատասխանել են, որ Պուտինի օգտին կքվեարկեին 24%-ը, Մեդվեդեւի օգտին` 21%: Մինչ այս հարցումները երկու առաջնորդների միջեւ տարբերությունը կազում էր 9–11%:
