Այսօր կառավարության նիստերի դահլիճում ԺԿ կազմակերպած «Երիտասարդական համաժողով, որի պատվիրակները կհայտարարեն հետայսու խիստ ընդդիմադիր դիրքերից հանդես գալու և վճռական պայքարի անցնելու մասին» անվանումով համաժողովի ժամանակ լրագրողները փորձեցին Տ.Կարապետյանից ճշտել, թե արդյո՞ք իշխանությունները խոչընդոտել են այդ միջոցառման անցկացմանը: «Դեռ ոչ, եթե հիմա չլինի, ուրեմն չի լինի»,- ասաց Տ.Կարապետյանը:
Այդ դեպքում ինչո՞ւ համաժողովը մեկ ժամ ուշացումով սկսվեց: «Դուք եք շուտ եկել»,- հայտարարեց Տ.Կարապետյանը` նշելով, որ լրագրողներին հրավիրելու վերաբերյալ հաղորդագրությունում պետք է նշված լիներ 13:00: Սակայն տեղեկանալով, որ այդ հաղորդագրությունում նշվել է 12:00 և լրագրողները մեկ ժամ սպասել են համաժողովի սկսվելուն` Տ.Կարապետյանը ասաց. «Մենք պետք է գայինք տասներկուսին, որ գրանցվեինք, Ձեզ պետք է հայտարարվեր մեկին, մի քիչ վրիպում է եղել»:
