Ժողովրդական կուսակցությունն այսօր կառավարության նիստերի դահլիճում միջոցառում էր կազմակերպել` «Երիտասարդական համաժողով, որի պատվիրակները կհայտարարեն հետայսու խիստ ընդդիմադիր դիրքերից հանդես գալու և վճռական պայքարի անցնելու մասին» վերնագրով:
«Միայն երիտասարդներին ենք հավաքել, փաստորեն դահլիճում նստելու են միայն երիտասարդները` և՛ տղա, և՛ աղջիկ, մենք` մեծերս, նստելու ենք վերևում: Ես ուզում եմ, որ դուք արձանագրեք, որ (կարող եք իրենցից հարցնել) շատերը պատվիրակներ են, փաստորեն իրենց ետևից ևս երիտասարդներ կան»,- լրագրողներին ասաց Տ.Կարապետյանը: Նշենք սակայն, որ դահլիճի նստարանների 30-40%-ը դատարկ էր, իսկ երիտասարդների մի մասը 13-17 տարեկան դպրոցականներ էին:
Հարցին, թե քանի՞ երիտասարդ կուսակցական կա ԺԿ-ում, Տ.Կարապետյանը ասաց. «Ուրեմն, ես թիվ չեմ ասում, դա ռազմավարական խնդիր է, որովհետև բոլոր մեր քայլերը որ ցույց տանք իշխանությանը, ինքը նախապես կպատրաստվի, այդպես էլ կա»:
