Սյունիքի մարզպետարանի գյուղատնտեսության և բնապահպանության վարչությունը ՀՀ բնապահպանության նախարարության բնապահպանական պետական տեսչության Սյունիքի տարածքային բաժնի հետ համատեղ ստուգումների արդյունքում պարզել է, որ անցած տարի պետբյուջե է վճարվել 7 մլն 200 հազար դրամ: Ուսումնասիրություններ են իրականացվել մարզի բնապահպանական 11 օբյեկտում, ինչի արդունքում 44 անձի նկատմամբ կիրառվել են տարբեր վարչական տուգանքներ: Կազմվել է շրջակա միջավայրի բնապահպանական վնասի 28 ակտ, որից 19-ը բուսական, 3-ը կենդանական, 4-ը ջրերի և 2-ը հողերի աղտոտման վերաբերյալ: Մարզում ստուգումներ են անցկացվել նաև թափոնների օգտագործման ու տեղափոխման ոլորտի 6 օբյեկտում, որոնց նկատմամբ կիրառվել են վարչական տուգանքներ` 30-հազարական դրամի չափով: