Փետրվարի 18-ի գիշերը՝ ժամը 00:10-ի սահմաններում, Երևան-Գորիս մայրուղու 205-րդ կիլոմետրի հատվածում «Մերսեդես» մակնիշի 16 ՍՏ 728 համարանիշի մեքենայի վարորդը, կորցնելով կառավարումը, դուրս է եկել երթևեկության հանդիպակաց գոտի և բախվել «Կամազ» մակնիշի 11 ՏՏ 579 համարանիշի բեռնատարին:
Ըստ Սիսիանի բժշկական կենտրոնի գլխավոր բժիշկ Արտյոմ Թադևոսյանի՝ վթարի արդյունքում հիվանդանոց տեղափոխված 4 տուժածներից 2-ը այսօր առավոտյան տեղափոխվել են Երևան։
Նրանցից մեկի՝ 33-ամյա Նորայր Ասոյանի վիճակը ծայրահեղ ծանր է. նա ստացել է գանգուղեղային վնասվածքներ։
Դաստակային և նախադաստակային բաց կոտրվածք ստացած, 1968 թ. ծնված Եսայի Բալայանը նույնպես տեղափոխվել է Երևան՝ մասնագիտական հիվանդանոց։
1979 թ. ծնված Յանա Թովմասյանն ու 1960 թ. ծնված Սերգեյ Գրիգորյանը Սիսիանի բժշկական կենտրոնում են։
Նրանց կյանքին վտանգ չի սպառնում։
Սյունիքի մարզային քննչական բաժնում փաստի առնչությամբ նախապատրաստվում են նյութեր: