Սիրիայում առևանգված իրանցի ուխտավորների մեջ եղել են Իսլամալան հեղափոխության պահապանների զինվորներ: Գերի ընկած իրանցիների մասին տեսագրությունը ցուցադրել է Al Arabiya հեռուստաընկերությունը: Սիրիացի ընդդիմադիրները պնդում են, որ գերիները կապ ունեն իրանական ռազմական խմբավորումների հետ:
Նախօրեին Սիրիայի իշխանությունները հաստատել են, որ անհայտ անձանց կողմից Սիրիայի տարածքում առևանգվել է Իրանի 48 քաղաքացի: Հաղորդվում է, որ բոլոր կորածները ուխտավորներ են եղել, որոնք ժամանել էին շիաների սրբատեղիներ այցելելու:
«Զբոսաշրջիկներով» ավտոբուսը վերջին անգամ տեսել են, երբ այն ուղևորվել է Դամասկոսի միջազգային օդանավակայան: Սիրիայում Իրանի դեսպանը հայտարարել է, որ գերիների գտնվելու վայրը իրեն հայտնի չէ:
Հիմա Թեհրանը պնդում է, որ իրանցիները, որոնք ընկել են սիրիական ընդդիմության ձեռքը, ուխտավորներ են եղել, իսկ ահա Իրանի ՆԳՆ ղեկավար Ալի Ակբար Սալեհին դիմել է Թուրքիային և Քաթարին, որոնք աջակցում են Բաշար Ասադի ռեժիմի կողմնակիցներին, խնդրելով աջակցել գերիներին ազատելու հարցում: Իսկ ապստամբները չեն բացառում, որ ուխտավորների անվան տակ Սիրիա են ժամանել ռազմական մասնագետներ:
