Նովոսիբիրսկում փետրվարի 13-ին գրանցվել է տարօրինակ մահ: Ուշ երեկոյան ծնունդով հայաստանցի 38-ամյա Քյարամ Ալոյանի վրա երկու անգամ կրակելուց հետո հանցագործները հեռացել են դեպքի վայրից, իսկ Ալոյանը դեռ կես ժամ մնացել է առանց օգնության: Այստեղ ժամանած բժիշկները հետագայում «արձանագրել են», որ փողոցում հայտնաբերված Ալոյանը մահացել է սրտի կաթվածից:
Եվ միայն դիահերձարանում են պարզել, որ իրականում Քյարամ Ալոյանը մահացել է հրազենային վերքից: Հետագայում նրա մահն արձանագրած բժիշկները հայտնել են, որ քանի որ դեպքի վայրում մեկ կաթիլ արյուն չեն տեսել, այդ իսկ պատճառով սկզբնապես արձանագրել են սրտի կաթված:
Նրա ընկերներն ու բարեկամները չեն կարողացել ասել, թե ով կարող կանգնած լինել այս սպանության հետևում: Նրանք նույնիսկ կարծիք են հայտնել, որ այն կմնա չբացահայտված: