Միխայիլ Սահակաշվիլու հոկտեմբերի 11-ի հրամանով Ռուսաստանի՝ Հյուսիսային Կովկասում բնակվող քաղաքացիներն այլեւս ստիպված չեն լինի մուտքի արտոնագիր ստանալ ` Վրաստանի տարածք մուտք գործելու համար: Սա վերաբերում է Չեչնիայի, Ինգուշեթիայի, Հյուսիսային Օսիայի, Դաղստանի, Կաբարդինո-Բալկարիայի, Կարաչաեւո-Չերկեսիայի եւ Ադիգեայի բնակիչներին: Վրաստանի ԱԳՆ-ի հայտարարության մեջ նշված է, որ Հյուսիսային Կովկասի բնակիչներն անհավասար պայմաններում են գտնվում, քանի որ արտոնագիր ստանալու համար պետք է դիմել Մոսկվայում Շվեյցարիայի հյուպատոսություն, ինչը տեխնիկապես շատ դժվար է:
Հիշեցնենք, որ Ռուսաստանի եւ Վրաստանի միջեւ դիվանագիտական հարաբերությունների բացակայության պայմաններում քաղքացիական բոլոր փոխհարաբերություններն իրականացվում են Շվեյցարիայի դեսպանության միջոցով: