Կալիֆոռնիայի նախկին նահանգապետ ու դերասան Առնոլդ Շվարցենեգերը հայտարարել է գիտական ինստիտուտի ստեղծման մասին, որը պետք է զբաղվի պետական քաղաքականության հարցերով: Այս մասին հաղորդվում է Հարավային Կալիֆոռնիայի ինստիտուտի կայքում (USC), որի բազայի հիման վրա պետք է գործի Շվարցենեգերի պետական ու գլոբալ քաղաքականության ինստիտուտը (USC Schwarzenegger Institute for State and Global Policy):
Ինստիտուտը պետք է գործի Փրայսի պետական քաղաքականության դպրոցում , որը գործունեություն է ծավալում համալսարանում:
Շվարցենեգերը կգլխավորի իր ինստիտուտի խորհրդատվական խորհուրդը, ինչպես նաև կդառնա Հարավային Կալիֆոռնիայի համալսարնի պրոֆեսոր:
Շվարցենեգերի ինստիտուտում կգործեն 5 հիմնական ուղղություններ`կրթություն, էներգետիկա ու շրջակա միջավայր, առողջապահություն, ֆիսկալ ու տնտեսական քաղաքականություն, ինչպես նաև քաղաքական բարեփոխումներ:
Ինչպես գրում է The Washington Post-ը, Շվարցենեգերը 20 մլն դոլար իր անձնական միջոնցերից տրամադրել է ինստիտուտին:
Ենթադրվում է, որ ապագայում ինստիտուտին կհաջողվի ներգրավել այլ դրամական միջոցներն ևս:
