Anonymous շարժման հաքերները հետևել են չարագործներին, որոնք կոտրել են Redsky Film Television ընկերության կայքը, որն աջակցում է սոված երեխաներին: Այս մասին հաղորդում է The New Zealand Herald-ը:
Ընկերությունը փաստագրական ֆիլմեր է նկարահանում նորզելանդացի երեխաների վրա աղքատության ազդեցության մասին, իսկ ստացված գումարներն ուղղում բարեգործությանը: Հուլիսի 25-ին @AnonVoldemort կեղծանվամբ հաքերը կոտրել է ռեսուրսը, ինչի մասին հաղորդել է իր միկրոբլոգոմ:
Կայքի սեփականատեր Բրայան Բրյուսը Facebook-ի իր էջում կայքի աշխատանքը վերականգնելու և չարագործներին գտնելու հարցում օգնություն էր խնդրել: Մեկ օր անց նա նամակ է ստացել՝ հաքերի ինքնության մասին տեղեկությամբ: Նա 35-ամյա տղամարդ է, որը բնակվում է Մադրիդում՝ մոր հետ: Բրյուսն արդեն տվյալները փոխանցել է իսպանական ոստիկանությանը:
Բրյուսը հստակ չգիտի, թե ով է իրեն օգնողը, սակայն ենթադրում է, որ խոսքը Anonymous շարժման մասին է:
Կայքում վաճառվում են փաստագրական ֆիլմերի կրկնօրինակները, սակայն հարձակման հետևանքով այն կարող է մեկ ամիս չգործել: Կայքի վերականգնումը զգալի ներդրումներ է պահանջում:
