Դյուսելդորֆում ոստիկանությունն օգոստոսի 1-ին ցրել է «Գրավիր» շարժման ճամբարը, որի մասնակիցները դեմ են բանկերի գերակայությանը: Այս մասին հաղորդում է lenta.ru-ն: Վրանային ճամբարը քաղաքի կենտրոնում էր ավելի քան ինն ամիս:
Ոստիկաններն ու չինովնիկները ակտիվիստներին սկզբում խնդրել են կամովին հեռանալ, սակայն նրանք հրաժարվել են` բանակցելու նպատակով պահանջելով քաղաքապետ Դիրկ Էլբերսին: Վերջինս, սակայն, հրաժարվել է շարժման մասնակիցների հետ խոսել:
Ընդդիմանալով ճամբարը ցրելու փորձերին՝ մարդիկ բարիկադներ են կառուցել, որոնք, սակայն, ոստիկանությունը հեշտորեն քանդել է: 45 ակտիվիստներ հեռացել են կամովին, մնացածներին հեռացրել են ուժով:
Հակակապիտալիստական շարժման առաջին միջոցառումը Դյուսելդորֆում կայացել է հոկտեմբերի 15-ին, որին մասնակցել է 2500 մարդ: Վրանային ճամբարում այն ժամանակվանից բնակվում է 20-30 մարդ: Քաղաքային իշխանությունները իրենց գործողությունները բացատրել են ճամբարի` անօրինական լինելով:
Նմանօրինակ ճամբարներ կան նաև Մյունխենում, Դորտմունդում: Տեղական իշխանությունները դեռևս չեն պատրաստվում ցրել դրանք:
