Ադրբեջանական Trend լրատվական գործակալության փոխանցմամբ՝ Ադրբեջանի կառավարությունը որոշակի հաջողությունների է հասել ահաբեկչության դեմ պայքարում: Այս մասին նշված է ԱՄՆ պետդեպարտամենտի 2011 թվականի ահաբեկչության դեմ պայքարի զեկույցում:
Ըստ այդ զեկույցի՝ Ադրբեջանն ակտիվորեն հանդես է գալիս ահաբեկչական կազմակերպության դեմ, որոնք ցանկանում են Կովկասով տեղափոխել մարդկանց, գումար և սարքավորում: Զեկույցում նաև նշված է, որ Ադրբեջանի կառավարությունն իր վրա է վերցրել Կասպից ծովի ափին ռադիոտեղորոշիչ 7 կայանների տեղակայումը, որոնցից կօգտվեն ռազմածովային նավատորմը, առափնյա պաշտպանությունը և Պետական սահմանապահ ծառայություները՝ ծովային հետախուզություն իրականացնելու և մաքսանենգության սպառնալիք բացահայտելու համար:
