«Երկու օրվա մեջ արդեն երկրորդ դեպքն է, ինչ Հայաստանի «անկախ դատարանները» վճիռներ են կայացնում հօգուտ լրատվամիջոցների»,- գրում է «Ժողովուրդ»-ը և հավելում.
«Նախօրեին դատարանում հաղթեց «Հրապարակ»-ը՝ Մարգարիտա Խաչատրյանի՝ Մարոզի հետ պայքարում, երեկ էլ տեղեկություն ստացվեց, որ «Իրավունք»-ն է հաղթել «Հայաստանի ավետարանական հավատքի «Կյանքի խոսք» եկեղեցի» կրոնական կազմակերպությանը: Երկու թերթերն էլ ստիպված չեն լինի հեիքում տպագրել և միլիոնավոր դրամներ վճարել հայցվորներին: Սա, իհարկե, գովելի տենդենց է, եթե այլ շարժառիթ չունի:
Վերջապես գործող իշխանության տարբեր թևեր «հատվածաբար» հասկանում եՆ, որ նորանկախ Հայաստանում ամենակայացած համակարգերից մեկն անկախ մամուլն է, որի գոյությունն անհրաժեշտ է ցանկացած երկրում: Հուսանք, որ օրինակը վարակիչ կլինի բոլոր մյուս թերթերի դեմ հարուցված գործերի պարագայում»:
