TRT-ի ռուսական ծառայության փոխանցմամբ՝ Սահմանադրության համաձայնեցման հանձնաժողովն իր աշախատանքները կվերսկսի օգոստոսի 1-ին: Հանձնաժողովն իր աշխատանքները դադարեցրել էր հուլիսի 10-ին: Այն արդեն իսկ ավարտել է «Հիմնական իրավունքներ ու ազատություններ» բաժնի 19 կետերի վրա տարվող աշխատանքները:
Իսկ ահա այն հարցերը, որոնք առնչվում են հավասարությանը, մարդու իրավունքներին, կրթության ու դաստիարակման իրավունքին, ինչպես նաև հավատի ազատությանը, քննարկվելու են ավելի ուշ, քանի որ բանակցությունների ժամանակ չի հաջողվել դրանց շուրջ գալ փոխզիջման:
Միևնույն ժամանակ, Թուրքիայի խորհրդարանում ներկայացված կուսակցությունները պատարաստել են հիմնական իրավունքների ու ազատությունների վերաբերյալ իրենց զեկույցները, որոնք ներկայացվելու են խորհրդարանին: Այդ առաջարկների հիման վրա էլ հանձնաժողովը, վաղվանից սկսած, վերսկսելու է իր գործունեությունը:
Հիշեցնենք, որ Թուրքիան նոր Սահմանադրության ընդունման նպատակով հետազոտում է 60 երկրների Սահմանդրություն: Ակնկալվում է, որ նոր Սահմանադրությունը կընդունվի մինչև տարեվերջ՝ դրանով իսկ փոխարինելով 30 տարի առաջ ընդունված «ռազմական» Սահմանադրությանը:
