Բարաք Օբաման վստահ է` եթե նախագահական ընտրությունները տեղի ունենային այսօր, ապա ինքը կհաղթեր Մասաչուսեթսի նախկին նահանգապետ Միթ Ռոմնիին, ով փաստացի դարձել է նախագահի հանրապետական թեկնածուն:
Նախագահը հերթական անգամ նշել է, որ մրցակիցների հիմնական թեման լինելու է տնտեսությունը: Նա ներկայացրել է իր կառավարության կողմից երկիրը ճգնաժամից դուրս բերելու ջանքերը և զգուշացրել վերահաս խնդիրների մասին:
«Առաջիկա ամիսների ընթացքում մեզ դժվարություններ են սպասվում: Եվրոպայում տիրող վիճակը նախկինի պես անհանգստություն է պատճառում»,- նշել է Օբաման:
Այս ամենի հետ մեկտեղ` վերջին սոցհարցումները ցույց են տալիս, որ հասարակական համակրանքը հավասարապես է բաժանվել երկու թեկնածուների միջև: Սոցհարցման արդյունքներով` թե Ռոմնիին, թե Օբամային աջակցում է ընտրողների 46%-ը:
