Միսսուրիի համալսարանը ուսումնասիրություն է իրականացրել և պարզել, որ տղաների ու աղջիկների վերաբերմունքը և մոտեցումը թվաբանական խնդիրների նկատմամբ տարբեր է: Հաղորդում է News medical-ը: Աղջիկները նախընտրում են դանդաղորեն և ուշադիր մոտենալ հարցին, իսկ տղաները` արագորեն և սխալների մեծ քանակությամբ:
Ուսումնական հեռանկարի տեսակետից աղջիկներն առաջ ընկան, բայց 6-րդ դասարանի վերջում տղաները նրանց գերազանցեցին: Տղաները հարցերին պատասխանում էին հիշողությամբ, իսկ աղջիկները` հաշվարկ անելուց հետո: Հենց այդ ունակությունն ու պատասխանները հիշելու փորձն էլ ժամանակի ընթացքում տղաներին առավելություն տվեց: Արդյունքում ոչ սովորական մոտեցման հետևանքով տղաներն ավելի արագ էին ընկալում մաթեմատիկական խնդիրները:
Այս օրինաչափությունը գիտնականները նկատել են 1-ից 6-րդ դասարանի 300 երեխայի վարքագիծ ուսումնասիրելու արդյունքում: Առաջին և երկրորդ դասարաններում արագ պատասխանելու տղաների ձգտումը հանգեցնում է մի քանի տարբերակի, այդ թվում և սխալ պատասխանի առկայությանը: Իսկ աղջիկները հակառակը, երբմեն էին սխալվում, բայց պատասխանում էին ավելի քիչ քանակությամբ հարցերի: 6-րդ դասարանում տղաները արդեն հասցնում են մարզել հիշողությունը, ուստի առաջ են անցնում աղջիկներից:
